نيال الفلسطيني
هاجر ومعه مفتاح بيته
يمكن بليلة بهالمخيم بشي قعدة شاي مع كل حبة تين ياكلها مع كل لقمة زعترمع ضحكة مرة مع حسرة يتذكر فلسطين وبأيده مفتاح بيته
نياله يتذكر الحارة دكان أبو حسين أم ياسين بياعة اللبن جامع الحارة والكرمة بحوش البيت نياله
نيال الفلسطيني وبأيده مفتاح البيت يقدر يحلم بيوم العودة ولك نيال ربه نياله
نشكر نظام الطغمة يللي وفر عالسوري يعلق سلسال برقبته وفيه مفتاح بيته
نشكر السيد الرئيس يللي وفر عالسوري عناء ثقل المفاتيح وبليلة حلوة دمرله بيته
نشكر قيادتنا الحكيمة يللي عفت السوري الضايع بالمدن الغريبة لمن شي يوم يبتسم ياكل لقمة زعتر وحبة تين ما يفكر ببيته